Rubén Lorenzo- Portavoz do PP de Carballo
Resulta, cando menos, curioso que o calendario anual que edita o concello de Carballo e paga, por certo, con cartos públicos, repita por erro o mes de Xuño, mes das festas grandes do San Xoan.
Semella que nun lapso freudiano, desos que derivan do subconsciente, o goberno local gustaría de permanecer en festa e tempo libre canto máis tempo mellor.
E non estamos a renegar das nosas festas, todo o contrario, consideramos que reforzarlas e mimalas non consiste en perpetualas por dous meses, mais sí en poñer todo o empeño en que recuperen o seu esplendor, o mesmo que precisa a nosa vila.
Esta anécdota, que refricte o pouco esmero no que se fai, en temas puntuais, convértese nun feito que denota a neglixencia que repercute noutros temas importantes e de maior impacto na vida das e dos carballeses. Estamos a falar do mal estado nos parques infantis, do abandono das parroquias, do caos na mobilidade de Carballo, a teima por non abrir a Vila de Negreira, a promesa incumplida dende fai máis de 6 anos do edificio de entidades sociais, a reforma do Pazo da Cultura ou a da nosa descoidada praza do Concello.
Neste curso, dende o concello, decidiron ser hiperactivos en redes sociais, decidiron, por fin, trala petición ignorada de anos, retransmitir as sesións plenarias, pero por moito esforzo posto nas tecnoloxías, non poden pretender agochar a inacción real. Baixo unha sobreactuación virtual, nunha sorte de venta de fume, nada muda nos problemas que dende anos acumúlanse en Carballo.
Confiamos en que, agora que o señor alcalde vai desfrutar da súa xubilación como mestre, pense se será tamén o momento de xubilarse como rexedor municipal, porque o que non se fixo en 22 anos non se vai facer agora, por arte de maxia, un coello que sae da chistera.
Dende o grupo municipal popular, iremos no mes que corresponda, de aquí a maio do 2027, sen demora, denunciando o abandono de certos temas, pero tamén facendo propostas en positivo para devolver a Carballo a posición de cabeceira de comarca, que endexamáis debeu perder.
Rubén Lorenzo Gómez.
Portavoz Partido Popular Carballo.
