A portavoz do Partido Popular, Inés Monteagudo:»Son unhas obras moi necesarias e que serán unha realidade en pouco tempo”.
O Ministerio de Pesca, Agricultura, Alimentación e Medio Ambiente anunciou que esta semana comenzarán os traballos de mellora do paseo marítimo de Esteiro, no concello de Muros, que contan cun orzamento de 842.398 euros, e consistirán na reposición do deteriorado pavimento do paseo e renovación do mobiliario existente para garantizar o acceso público á costa e a seguridade dos peóns.
A portavoz do Partido Popular en Muros, fixo unha valoración moi positiva do investimento, xa que se cumpre cunha vella demanda: “O inicio das obras é o punto e final a un proceso longo, pero que pagou a pena. Son unhas obras moi necesarias e que serán unha realidade en pouco tempo” afirmou Inés Monteagudo.
Monteagudo manifestou a través dun comunicado:»Queremos agradecer publicamente o traballo desenvolvido por Marta González, deputada no Congreso, o senador Torres Colomer, e o de tódolos responsables de Costas, tanto o do señor Eimil, xefe da demarcación de Costas en Galicia, como o do subdirector, o señor Muñoz, e o da directora xeral, que sempre foron receptivos ás nosas demandas, que non son outras que as dos veciños de Esteiro, e fixeron posible que a mellora do paseo de Esteiro sexa unha realidade»,
Inés Monteagudo recordou que na entrevista que mantivo no pasado mes de xuño coa Directora Xeral de Sostibilidade da Costa e o Mar, Raquel Orts Nebot, e o Subdirector Xeral para a Protección da Costa, Ángel Muñoz Cubillo, o Estado comprometérase a iniciar as obras de reparación do paseo neste mesmo exercicio.