O portavoz de Pacto por Ames concedeu unha entrevista a Adiante Galicia (que se pode escoitar no audio insertado nesta nova) nas vésperas do primeiro congreso deste partido fundado en 2013. A cita será o vindeiro sábado 12 de novembro na Casa da Cultura de Bertamiráns desde as 20:30 h.
Escoita a entrevista-
Un balance negativo do tripartito PSOE-Contigo Pódese-BNG
Ramón García Argibay fai un balance negativo destes 17 meses do goberno presidido por José Miñones.“O principio había un talante de negociar pero durou dous meses” comentou o líder de PxAmes que incluso destacou que se dou luz verde a un regulamento de organización municipal aprobado polos sete grupos políticos que debatían previamente sobre os asuntos a tratar nos plenos “pero empezaron a vir os primeiros roces” e “acabaron negándose a levar as nosas propostas ao pleno”. Na última sesión os concelleiros de Pacto por Ames abandonaron a sesión en protesta “pola falta de liberdade de expresión”.
Argibay lamenta que hai asuntos moi importantes sen resolver:”unha prioridade fundamental son os orzamentos. Desde 2012 estamos cos orzamentos prorrogados” asegura o portavoz que critica a incapacidade do executivo “para sentarse a negociar” unhas contas. Tamén considera urxente a aprobación da RPT e sacar adiante as licitación de servizos importantes como a limpeza ou o da auga.”Este goberno non ten vontade de acordo e non ten maioría” engade.
O portavoz de Pacto por Ames reivindica o papel do seu partido como “unha formación seria e que fai política construtiva con propostas ó cen por cen para Ames” e despois do congreso onde se renovarán os cargos aposta por “seguir nesta liña porque estamos moi satisfeitos coa resposta da xente”.