Interesante traballo divulgativo dos autores Jorge Castelo Mourelle, Roberto López Castro e Sergio Vázquez García, publicado no blog O Son da Curuxa, que ofrece unha completa información sobre a ovella en Galicia.
O artigo non só aborda a orixe e domesticación da Ovis aries, senón que tamén afonda na evolución histórica da cabana ovina no territorio galego, no seu papel esencial na economía de subsistencia tradicional e na súa progresiva perda de peso fronte a outras especies gandeiras ao longo dos séculos XIX e XX.
Iso sí un traballo centrado na análise da Ovella Galega, raza autóctona que hoxe representa un auténtico patrimonio xenético e cultural. O texto destaca a súa adaptación ao medio atlántico, a súa rusticidade, a elevada capacidade reprodutiva e a súa importancia como reservorio de diversidade xenética, elementos que a converten nun recurso clave para o futuro do sector gandeiro extensivo en Galicia.
Así mesmo, o artigo recupera con gran detalle o valor histórico da ovella na vida rural: desde o aproveitamento da la e da carne ata o seu papel na elaboración de instrumentos, queixos e produtos artesanais, sen esquecer o seu peso na organización social das aldeas galegas.
Podes acceder ao artigo desde esta ligazón
Accede ao artigo do Son da Curuxa
Foto- Libro Raza ovina gallega.
