Nunha visita a explotación “Devesa Langueirón” en Ponteceso, os deputados autonómicos do Partido Popular Rubén Lorenzo e Ethel Vázquez criticaron que “os deputados do BNG e do PSdeG viven na mentira e o engano permanente aos galegos” e concretaron que “a última falcatruada fixérona coa rebaixa da protección para o lobo: primeiro votaron a favor de quitarlle esta protección no Parlamento galego e o pasado xoves no Congreso votaron posicionáronse en contra”.
Para Lorenzo e Vázquez a saída do lobo do LESPRE é “unha medida que permitirá que o rural galego e os nosos gandeiros volvan ter a protección que merecen fronte aos ataques deste animal”.
“Defenden os intereses de Pedro Sánchez”
E criticaron o posicionamento de PSOE e BNG: “O que puxeron de manifesto os deputados galegos, tanto socialistas como nacionalistas galegos, é que o único que lles interesa é atender sempre os intereses de Pedro Sánchez, dando as costas neste caso aos nosos gandeiros e a defensa das súas explotacións”.
Defenderon que “Galicia sempre defendeu que a inclusión do lobo no Lespre non obedecía a criterios responsables, porque o lobo está moi lonxe de estar en perigo de extinción, xa que está presente en máis do 90 por cento do territorio galego, e, de xeito paralelo, o número de avisos por ataques incrementouse un 72 por cento desde 2021, cunha aumento das reses afectadas do 57 por cento”.
E aclararn que este acordo “non suporá unha persecución desapiadada do lobo a partir de agora, senón que levará aparellada a adopción de medidas de control da especie e o restablecemento do equilibrio entre a súa protección e as actividades gandeiras que se desenvolven no rural”.
Na visita de Rubén Lorenzo e Ethel Vázquez a Ponteceso estiveron acompañados polo alcalde José Manuel Mato.
