A asociación ecoloxista “ADEGA” solicitou á Dirección Xeral de Patrimonio Natural a paralización do parque eólico Ruña II “coa fin de preservar os elementos naturais” e se inicie un procedemento para a declaración deste espazo (montes e glaciar rochoso da Ruña) como protexido, ben como ampliación da ZEC Carnota-Monte Pindo, ou ben como Monumento Natural ou Paisaxe Protexida.
Desde a entidad advirten que as obras do parque eólico “poden estar a causar danos sobre o patrimonio natural, particularmente sobre hábitats prioritarios e singulares elementos xeomorfolóxicos relictos do glaciarismo”, que non foron contemplados na Declaración de Impacto Ambiental).
Glaciar rochoso da Ruña
Tamén denuncian que a instalación, promovida por Eurus Desarrollos Renovables, “foi obxecto dun despece irregular co «Ruña III», actualmente paralizado cautelarmente polo TSXG, e a súa liña eléctrica de evacuación, en fase de execución”.
Engaden que “ as obras deste parque eólico (explanacións, pistas e gabias, etc.) atinxiron elementos xeomorfolóxicos singulares relacionados co antigo glaciar rochoso da Ruña”.
