Representantes de Unións Agrarias(UUAA), Sindicato Labrego Galego (SLG) e da Asociación Agraria de Galicia(ASAGA) anunciaron tractoradas e concentracións para o vindeiro 20 de febreiro.
A partir das 12 do mediodía do martes haberá protestas en Santiago, A Coruña, Ortigueira e Vimianzo; Lugo, Pedrafita, Ribadeo; Ourense, A Gudiña e en Lalín.
Agardan que as mobilizacións supoñan un punto de partida para que “as distintas administracións comecen a mover ficha e a impulsar as modificacións normativas que o sector produtor galego demanda e precisa”.
Propostas insuficientes do Ministerio de Agricultura
Se ben as organizacións valoran positivamente o primeiro paso dado polo Ministerio de Agricultura, que anunciou unha primeira táboa de medidas destinadas a satisfacer as demandas do sector produtor, tanto Unións Agrarias como Sindicato Labrego Galego e ASAGA coinciden en calificar este paso de “totalmente insuficiente”.
As organizacións lembran que nada ten que ver a realidade do sector produtor do norte coa do sur, a castelá ou a levantina, e esixen modificacións que teñan en conta a realidade e necesidades específicas de Galicia.
