O recinto feiral de Santa Comba acollerá a XXII Poxa de gando frisón o vindeiro domingo 21 de xaneiro a partir das 11 da mañá.
Pero a cita gandeira virá acompaña por varias actividades.
O venres 19 de xaneiro o auditorio do edficio multiusos acollerá unhas xornadas técnicas agrícolas. Desde as 11,00, coa organización da Cooperativa Xallas haberá unha charla impartida polos técnicos da Xunta Gerardo Rivero Cuesta e José Antonio Varela Señarís sobre “O veterinario de explotación. Actualización na prescripción e uso de medicamentos”.
Ás 12,45, o profesor da USC de Veterinaria de Lugo, Ramiro Antonio Fouz Dopacio, disertará sobre a “mellora da rendabilidade da granxa cos datos de control leiteiro”. Esta charla é coordinada por Africor.
E o domingo 21 de xaneiro pola tarde haberá unha xornada de formación con dúas citas.
A primeira, un curso de introducción a poda e inxerto a cargo da empresa Novocampo (16,00) e a segunda un obradoiro de transformación lácteo impartido pola bióloga Lidia Ferreras Ferrol.
Para participar nestas actividades do domingo poden inscribirse ata o mércores 17 de xaneiro no 981818710.
Ademais como anunciamos no pasado mes de outubro, Santa Comba tamén acollerá o concurso autonómico de Fefriga entre o 23 e o 25 de febreiro.
