A Dirección Xeral de Calidade Ambiental, Sostibilidade, e Cambio Climático da Xunta de Galicia considera “ambientalmente viable” o proxecto do parque eólico Lagoa I, aínda que inclúe varios condicionantes na declaración de impacto ambiental que está a exposición desde este mércores.
A empresa Viruleiros promove a instalación de catro aeroxeradores dunha potencia conxunta de 16 megavatios, xunto con toda a infraestrutura engadida de da torre meteorolóxica, planta colectora, tubaxes, liñas soterradas e os vieiros de acceso. Afectará ós concellos de Santa Comba e Zas.
Serán tres máquinas de máximo 4 MW e 1 de 4,2 MW. De altura de buxa 115m e diámetro de rotor 170m.
Houbo diferentes informes que se referían a afección ou a presenza dos aeroxeradores en zonas con especies de flora e fauna sensibles ou incluso preto de ríos.
O Instituto de Estudios do Territorio sinalaba que “o proxecto producirá impactos paisaxísticos debidos á introdución de obxectos alleos ao carácter da paisaxe, que afectan a elementos de valor paisaxístico e ás panorámicas dende os diversos puntos de observación da contorna”.
Tamén está en exposición pública o proxecto eólico Varilongo.
