18.7 C
Santa Comba
domingo, julio 14, 2024

Denuncian un atentado medioambiental no Monte da Insua de Laxe

Contramínate e Unidas Podemos denuncian este ataque contra o patrimonio natural de Laxe.

Unidas Podemos de Laxe anunciou a presentación dunha denuncia ante o SEPRONA polo arrase de máis de duascentas árbores de especies autóctonas, especialmente carballos, castiñeiros e acivros, plantadas durante cinco anos polo “Proxecto Landras”, unha iniciativa educativa en colaboración co Concello de Laxe e o CPI Cabo da Area.

Para o portavoz da formación Fernando Del Moral Regaldie estamos ante “un verdadeiro atentado contra o patrimonio natural de Laxe”.

“Tronzaron indiscriminadamente a zona”

Desde a asociación ambiental Contramínate lembran que reclamaron en “repetidas ocasións” ao concello de Laxe a necesidade de intervir nesta zona para acondicionar un espazo de lecer para os veciños.

Pero non deste xeito. Lamentan que “a limpeza realizada recentemente consistiu en eliminar o manto vexetal dun espazo natural onde as fieitas cumprían a misión de protexer a humidade do solo”.

Ademais critican a apertura de camiños “sen orde nin criterio” e que “ tronzaron indiscriminadamente a zona repoboada coas especies nomeadas, arrasando con todo ó seu paso e esnaquizando a plantación. Máis de 200 árbores foron destruídas”.

Desde Contramínate denuncian “unha intervención que ten visos de ser totalmente ilegal pola grande destrución e a forma en que foi realizada, que constitúe desde a nosa perspectiva, un verdadeiro atentado medioambiental”.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,270SuscriptoresSuscribirte

Últimos artigos