Novas críticas contra a Xunta en relación a “Estratexia para a Conservación e Xestión do Lobo do Ministerio para a Transición Ecolóxica”. Despois das expresadas por ADEGA chegan as de Podemos.
O coordinador da formación morada en Galicia, Borja San Ramón, denuncia que se perderon 4,3 millóns de euros de fondos estatais por non asumir a citada estratexia.
Axudas autonómicas insuficientes
Lamenta que «Rueda sexa refén do lobby da caza, e antepoña as súas demandas ás necesidades da economía do rural».E sinala que «Fronte aos 4,3 millóns que dispón o Ministerio, a Xunta inviste 1,7, nunha partida orzamentaria que leva conxelada dende 2016 pese á suba dos prezos».
San Ramón lembrou que «dende o propio sector denuncian as axudas son insuficientes. Non abondan para dotar ás explotacións de mastins e non teñen en conta as diferenzas entre gandeiría extensiva e intensiva».
Considera que o dirixente popular «sacrifica os cartos que podería recibir Galicia para confrontar co Goberno do Estado.Na Xunta non queren a Estratexia do Lobo estatal, pero non propoñen ningunha alternativa. Non teñen proxecto propio para Galicia» .
