O Parlamento Europeo pronunciouse o pasado xoves a favor dunha revisión do estatuto de protección estrita dos grandes carnívoros, en particular do lobo.
O acordo, que non é vinculante, saíu adiante con 306 votos afirmativos, 225 en contra e un total de 25 abstencións.
Pídese á comisión europea que “utilice os datos de vixilancia e, cando se alcanzou o estado de conservación desexado, adáptese o estatuto de protección das especies”.
O Parlamento Europeo propón que se estableza unha indemnización global pola perda de calquera animal de granxa provocada polos grandes carnívoros e que se modifique a normativa para que sexan abonadas como axuda de estado.Queren que se inclúan os ataques das especies híbridas.
A problemática do lobo, moi candente en comunidades como Galicia, chegará antes de que termine o ano á Convención de Berna.
As comunidades autonómas que concentran o 95% da poboación de lobos en España, entre elas Galicia, consideran este resolución un respaldo ás súas demandas para que se retire ao lobo do LESPRE e piden un cambio ao goberno español.
O debate está aberto. Dous exemplos.
Colectivos como a Asociación para a Conservación e Estudo do Lobo Ibérico(ASCEL) lembran que que a moción carece de valor executivo e non afecta as normas aprobadas.
En cambio a Fundación Artemisan solicitou ao executivo que preside Pedro Sánchez que escoite ao Parlamento Europeo e modifique o actual status do lobo.