A granxa- escola “Villa Regina”, localizada na parroquia de Bazar, é un punto de interese no mapa turístico da zona. Pero como teño sinalado noutras ocasións, é algo máis.
É o soño cumprido dunha muller que ama a terra. Acompañoume Regina Muñiz nun dos espazos que presento en Radio Xallas e contounos o “cambio de negocio” que fixo no seu día, deixando a súa granxa de vacas leiteiras por outras experiencias profesionais. Ata que debeu escoitar a voz fonda da terra e regresou.
Pero non é un conto de fadas. “Tes soños e ideas pero darlle forma non é fácil e non sempre é un camiño xeitoso” díxonos.
Apostou forte pola granxa escola Villa Regina e a cousa funciona. Non oculta que “emprender non e fácil e non hai apoios suficientes” pero está feliz nesta “estapa de aprendizaxe”.
Recibe moitas e variadas visitas que reforzan a súa idea. “Houbo visitas de todas as idades”. Nenos e maiores. Familias e grupos.
Villa Regina, para conectar coa terra
“A xente que quere conectar coa terra en Villa Regina atopouo sitio. Noto que a xente marcha contenta” comentounos a poeta xalleira que coas súas mans non só escribe estupendamente senón que tamén cultiva a horta traidicional, incoporando hortalizas novas e traballando un labirinto de millo de 18 ferrados, que é algo fundamental en Villa Regina.
O labirinto de millo é un espazo para xogos tradicionais, encontros coa poesía e a lectura pero tamén a “despensa” para alimentar a ampla familia de animaliños que habitan ese país de liberdade e aire limpo.
No falta a horta de herbas aromáticas e medicinais, un gozoso menú de sabores e olores. Unha experiencia para os sentidos.
“A nosa terra dá de todo pero hai traballar” explica Regina, sempre chea de enerxía e iniciativas. Ben sexa unha noite de contos de medo, unha esfolla ou a presentación dun libro.
Se queres escoitar a conversa completa. Neste enlace desde o minuto 70.
