9.8 C
Santa Comba
sábado, marzo 23, 2024

UUAA critica a Lei de Protección Animal impulsada “dende sectores animalistas fortemente ideoloxizados“

UUAA. Unións Agrarias alerta dos aspectos lesivos do “Proyecto de Ley de Protección de los derechos y bienestar de los animales e pide que se atendan as demandas “da comunidade científica, asociacións de veterinarios, e o propio informe da Comisión Nacional de Mercados y Competencia que advirte de distintos aspectos que atentarían contra a normativa europea neste eido”.

Chamamento á cordura

Informan que a súa organización matriz, a UPA, vai a manter reunións cos grupos parlamentarios antes do inicio do trámite de enmendas xa que “ a nova norma debe ser revisada para conxugar a necesaria protección e o benestar animal co mantemento de usos tradicionais como o pastoreo, a protección de rabaños e explotacións contra depredadores ou a caza. E fai un chamamento «á cordura e á responsabilidade para que este afán excesivo de velar pola protección dos animais non supoña un novo pau na roda para o sector produtor e a poboación rural».

UUAA opina que este proxecto do goberno está promovido “dende sectores animalistas fortemente ideoloxizados e alleos á realidade do rural”

Impacto negativo no rural

E considera que “debido á súa concepción errónea de base resultará contraproducente para a protección dos animais de compaña e a biodiversidade e impactará moi negativamente nos dereitos e forma de vida de distintos colectivos rurais, que empregan os cans como elementos de soporte ao seu traballo en tarefas como o pastoreo, a protección contra depredadores coma o lobo ou a caza”

Tamén aluden ás familias “que viven da comercialización de mascotas e animais de compaña que viñan desenvolvendo a súa actividade con plenas garantías e conforme á legalidade e á normativa vixente, ás que o novo proxecto de lei deixará sen forma de vida”.

«Dereitos dos animais»

Non concordan que se fale de “dereitos dos animais” xa que “ non teñen responsabilidade sobre os seus actos e non se lles pode xulgar, multar, ou sentar nun banquillo. E é por esa incapacidade para ter responsabilidades que non poden ser suxeitos de dereitos”

Aseguran que este proxecto ten “disposicións disparatadas”. E poñen coma exemplo “a obriga de castrar a todos os cans e gatos dun sexo cando se teñen convivindo machos e femias. De forma que só poidan criar estes animais empresas ou profesionais rexistrados”

Sobre os núcleos zoolóxicos a partir de cinco animais “como podería ser o caso dunha explotación na que haxa catro gatos para manter a raia aos roedores, e dous cans de garda” son “disparates urbanitas”.

“Tampouco parece moi axeitado propoñer un examen para ter ou coidar un animal de compaña, para o cal animalistas subvencionados examinarían a persoas do rural que levan decenios coidando e criando cans” engaden desde Unións Agrarias.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
spot_img
spot_img
spot_img

Síguenos

7,820FansMe gusta
1,661SeguidoresSeguir
1,826SeguidoresSeguir
1,220SuscriptoresSuscribirte

Últimos artigos