A secretaria xeral do Sindicato Labrego Galego considera que se deben de establecer medidas de “apoio inmediato” e que faciliten a “liquidez nas granxas” pero tamén outras de carácter estrutural que posibiliten que haxa “un prezo estable” para os produtores de leite e que se “acceda a unha base territorial suficiente”.
En declaracións ao programa “Na Encrucillada” de Radio Xallas, Isabel Vilalba lembrou que “as competencias de agricultura e gandería son de Galicia” e denunciou que mentres o goberno central e a Xunta “tíranse balóns uns aos outros” non hai medidas concretas.
“Pasaron catro conselleiros e seguimos sen ter ferramentas que protexan ao sector, nin temos un foro forte do sector. Xa está ben. Non só basta con pedirlle a Madrid, que se desentende, e os produtores quedan abandonados a súa sorte” manifestou.
Escoita a entrevista a Isabel Vilalba en Radio Xallas- Minuto 24
«Non podemos seguir perdendo superficie agraria útil»
Para Vilalba “non podemos seguir perdendo superficie agraria útil”. Tamén se referiu a situación de moitas concentracións parcelarias e demandou un “cambio de modelo” para que “haxa opcións áxiles para agrupar a terra”.
Desde o Sindicato Labrego Galego teñen claro que “as organizacións de produtores necesitan ferramentas legais para a negociación” e que “non poden ser só para as fotos, serán que ser reais”.
