-C. Mourín-
Tal e como avanzamos neste diario, este sábado 19 de marzo levou a cabo unha plantación de varios centos de carballos, froito da iniciativa das brigadas deseucaliptizadoras coordinadas polo colectivo ecoloxista Verdegaia coa colaboración da comunidade de montes de Grixoa de Esternande.
A plantación tivo tamén unha vertente reivindicativa, coincidindo co vinte aniversario das protestas veciñais que tiveron lugar na zona da casa da mina de Varilongo.Reviviuse unha imaxe fotográfica daquelas datas inmortalizada por Álvaro Ballesteros en La Voz de Galicia.
Á marxe da plantación de carballos e castiñeiros na “ Carballeira das Casas Vellas”, tamén houbo un xantar veciñal que tivo como broche a intervención do poeta xalleiro Manuel Durán Gómez que recitou unha copla dedicada a esta iniciativa dos veciños da parroquia e Verdegaia.
