Santa Comba acolleu unha manifestación para expresar o rexeitamento aos parques eólicos tal e como están expostos.
A comitiva saíu das inmediacións do concello xalleiro, cruzando a avenida Alfonso Molina para bordear a rotonda e a través da rúa Miraflores deterse na Casa da Cultura, onde a moza Eva Antelo Mata leu o manifesto, que recolle as principais demandas dos colectivos que están promovendo alegacións e protestas contra distintos parque. «Iso vai a significar a destrución do rural. Somos zona de sacrificio».
Tamén interveu Xosé Manuel Vila, veciño de Freixeiro e Ramón Antelo, veciño de Castriz e membro da entidade convocante, a plataforma Non + Eólicos Bustelo, Campelo e Monte Toural. Vila Liñares manifestou que «estamos defendendo o noso patrimonio e a nosa dignidade e temos que estar vixiantes». Os dous agradeceron os apoios recibidos.
Entre os asistentes estaban os deputados do BNG, Iria Carreira e Daniel Pérez, a alcaldesa de Santa Comba, María Pose, e os rexedores de Val do Dubra, e A Baña, así como o portavoz nacional de Anova, Antón Sánchez, e edís de distintos municipios.O ambiente reivindicativo mesturouse co da feira xalleira, nunha xornada no que a ameaza de choiva non se concretou durante a mobilización.