“Este é o comenzo dun calendario de mobilizacións, que irá a máis ata que non haxa unha solución.Ten que haber unha suba importante no prezo do leite.Agora non nos valen limosnas”. Así o explicaba desde Unións Agrarias, Óscar Pose, nunha entrevista no programa Na Encrucillada de Radio Xallas.
O 11 de novembro haberá concentracións diante das plantas de LARSA e LACTALIS porque son “as principais e de maior recollida” e que destacan “pola súa falta de compromiso”.
Para Pose “é unha tomadura de pelo que queiran subir o leite para maio do ano que vén”. Desde UUAA lembran que “levamos meses queixándonos da suba dos custos de produción, dos concentrados, dos abonos, do gas ou da electricidade”.
A pesar disto sinalan que “a distribución está subindo determinados produtos pero ten que repercutir nos que vendemos o leite. Mentres a lei
da cadea non se está a cumprir e a industria estase poñendo as botas”.