A reflexión da secretaria xeral do Sindicato Labrego Galego é contundente:”Non se pode permitir que as industrias afoguen a un sector que está desprotexido.O sector lácteo está totalmente desamparado”.Para Isabel Vilalba diante dunha situación que se prolonga as administracións o único que ofrecen son “saídas en falso” e máis publicidade que outra cousa.
Entrevista a Isabel Vilalba desde o minuto 24
Referiuse a renovación dos contratos paara criticar que as empresas presentan baixadas ou “conxelación” dos prezos do leite “sen ningunha razón obxectiva”.
Denuncia que séguese a utilizar o leite como produto reclamo e que polo tanto “o marco actual non é válido”. Puxo como exemplo que cando hai situacións como a xerada polo chamado Cartel do Leite, os gandeiros teñen que enfrontarse a “un proceso incerto e de anos”. Ten claro que “os abusos teñen que compensarse de inmediato”.
Lei de recuperación de terras agrarias
Isabel Vilalba destacou que esta nova lei agraria “introduce elementos interesantes pero non é a única solución”.Para ela hai algo prioritario:”Non podemos seguir perdendo superficie agraria útil. Hai que protexer e incluso recuperar a terra e non podemos permitir que se siga forestando máis terra agraria”.
Lembrou que en Galicia temos un 21% de superficie agraria útil cando a media europea está no 40%. E tamén demandou “a axilización dos procesos de concentracións parcelarias”.
