Entrevista con Isabel Vilalba , a partir do minuto 35
A secretaria xeral do Sindicato Labrego Galego, Isabel Vilalba, defendeu a actividade agraria e gandeira como “mellor cortalumes”. Vilalba puxo en valor que “cando a biomasa está descontrolada o lume avanza máis.Se hai cultivos a paisaxe-mosaico impide que se propague”.
Explicou a petición do SLG de dimisión do Director Xeral de Montes:”Leva máis de 15 anos facendo sempre o mesmo e non se mellorar a xestión do monte”.
Tampouco entende “como se fai a limpeza de franxas en xullo e agosto” e as birgadas “dependen de organismos diferentes”.Lamentou que no Consello Forestal “non admiten alegacións nin cambios”.
«Hai auténticos polvoríns no monte»
Isabel Vilalba reclama “un sistema coordinado de prevención” e un cambio radical na política forestal.”Non hai coordinación e os medios son precarios. Hai auténticos polvoríns no monte”.
Nunha entrevista en Radio Xallas, Vilalba tamén falou do sector lácteo e duns contratos “que non protexen aos produtores” e demandou “un sistema para mediar nos contratos e evitar práctivas abusivas”.Outro tema que se tratou foi a polémica sobre as comisións da entidade ABANCA.
