O portavoz do grupo parlamentario do PSdeG, Martín Seco, alertou que na actualidade “as explotacións gandeiras non teñen ningún tipo de protocolo se aparece un caso de Covid-19”.
Esta situación podería xerar un problema nas granxas afectadas, obrigando aos produtores a “incumprir o confinamento” ou desatender aos animais.
Entrevista a Martín Seco- A partir do minuto 78
“Pode ser gravisimo.Os gandeiros non poden paralizar as súas actividades” sinalou o deputado socialista, que urxe a que o goberno active estes protocolos, e por exemplo, defina “a onde chega o domicilio”.Considera que existe unha falta de iniciativa na Consellería de Medio Rural que debe “buscar fórmulas e dar solucións”.
Os socialistas presentaron varias preguntas sobre este tema no Parlamento e unha proposición non de lei na que piden que se “redacte un protocolo de actuacións para dar solucións efectivas aos casos de aparición de coronavirus en explotacións agrícolas e gandeiras”.
