//Xosé Manuel Lema//
Para moitos dos nosos lectores Andy García Pereira xa é alguén coñecido, pero para outros non. Por iso quixemos conversar con el e lle pedimos que se presentara el mesmo.
Quen é Andy García?
“Son Andy García, un rapaz normal que ten desde pequeno a fantasía de facer rir á xente tanto en persona como mediante vídeos para as redes sociais.Empecei a compartir o meu humor pola rede social chamada Tuenti fai uns cantos anos, despois mediante Snapchat e Twitter e finalmente por Instagram a día de hoxe”.
A cousa funcionou ben e “e pouco a pouco fun gañando seguidores na miña conta persoal ata chegar aos 7.200 seguidores que teño a día de hoxe”.
Como nos comenta Andy, tamén subían os “likes” e non paraba de recibir mensaxes. E decidiu subir ao tren de Youtube.
Unha canle de Youtube
“Agora mesmo levo cerca de 2 meses con un canal de youtube xa que o meu nombre chegou a oídos de unha empresa adicada a captar novos talentos e aceptei a oferta de traballar para eles con un canal. Para buscarme é fácil xa que o nombre é simplemente o meu Andy García”.
Os luns e xoves, ás 19,30h sube novos vídeos. Non ten unha temática fixa:”Pásoo tan ben maquillándome como gastando unha broma telefónica. Tento sempre variar o contido”.
O seu obxectivo é seguir avanzando e poder adicarse profesionalmente a este mundiño:”Agora mesmo e como me está indo ben no tema do Youtube, supoño que sí me quero adicar a isto porque foi unha oportunidade que non ten todo o mundo e a min chegoume sen sequera buscar por ela”.
Días de cuarentena
Cando falas con alguén nestas datas é inevitable preguntar polo confinamento:”A cuarentena estouna levando bastante ben dentro do que cabe aínda que eu son de estar máis fóra da casa ca dentro pero distraiome subindo historias ao Instagram a maior parte do día para que a xente teña algo para ver no meu perfil”.
Andy García, de Santa Comba, ten dous irmáns xemelgos e confesa que “non me aburro casi nunca”, aínda que agarda “que esto se acabe o antes posble e se poida volver a normalidade”.