O delegado territorial da Xunta na Coruña, Ovidio Rodeiro, desprazouse a Santa Comba para coñecer un proxecto de servizos forestais promovido por Talia Bernaola, que conta co apoio do goberno galego a través do programa EMEGA.
Rodeiro, que estivo acompañado por varios concelleiros da corporación xalleira, destacou “a importancia do programa Emega para o fomento do emprendemento feminino, porque ten como obxectivo apoiar a posta en marcha, a mellora e a reactivación de iniciativas empresariais constituídas por mulleres, a creación de emprego feminino, xunto co impulso a outras medidas para favorecer a conciliación da vida persoal, familiar e laboral”.
Na comarca de Santiago, concedéronse 23 axudas a proxectos emprendedores por importe total de 245.000 euros.
