O sindicato Unións Agrarias convoca unha concentración fronte ao Parlamento de Galicia, en Santiago de Compostela, “por unha novq xestión do xabaril”. Será o vindeiro martes 28 de xaneiro a partir das 16:30h.
Desde o sindicato piden o apoio cidadán “para amosarlles aos grupos políticos o malestar existente ante a crecente problemática provocada polo xabaril”.
Aclaran que se trata “dun asunto que trascende o medio rural, e que precisa dunha resposta responsable e acorde”.UUAA asegura que este asunto xera sete accidentes de tráfico ao día, e 15 millóns de euros anuais en perdas para agricultores e gandeiros.
E tamén que se trata dun problema non só para agricultores e gandeiros, senón tamén para a seguridade viaria sendo ademais “un potencial risco para a seguridade alimentaria e o futuro da industira cárnica de porcino “.
