11.9 C
Santa Comba
martes, diciembre 6, 2022

“Non podemos pensar no monte coa idea que ten ENCE ou as fábricas de agrocarburantes”

A secretaria xeral do Sindicato Labrego Galego, Isabel Vilalba, afirma que en Galicia existe “un problema gravísimo” co monte “porque en xeral non lle da rendabilidade ás persoas”, o que xera un abandono que se converte en “combustible para os incendios”.

Escoita a entrevista en Radio Xallas a partir do minuto 60

Buscar valor engadido no monte

Para Vilalba hai que buscar un monte que xenere recursos económicos xa que “o modelo do eucalipto é para facer cortas a 15 ou 20 anos vista e se pode depender deses ingresos”. Hai opcións como “as plantacions de castiñeiros que son enormemente máis rendibles cas de eucalipto”.Tamén puxo o exemplo dos ingresos que están a producir en Francias as cerdeiras. 

Entende que hai que optar “por actividades con maior valor engadido e con continuidade e deixarse de vender materia prima barata”.

A opción da biomasa

A dirixente agraria pensa que “non podemos pensar no monte coa idea que ten ENCE ou as fábricas de agrocarburantes”. Denuncia que ata o de agora “prevaleceu o interese das pasteiras” e “tentouse encamiñar á xente a plantar eucalipto, porque era o único que daba cartos, o que é unha grande mentira”.

Tampouco lle convence a opción da biomasa:”A biomasa é un modelo enerxético que está feito para que se pague moi pouco pola biomasa”. Esta convencido que “os modelos de producir materia prima para queimar é o mesmo o peor” que as plantacións de eucaliptos.

Insiste en que necesitamos “cultivos que dean moito rendemento para os terreos que temos”. Tamén fixo mención ao “cambio climático” que é unha realidade, e á necesidade de ordear o monte porque “hai propietarios que non saben onde teñen as súas parcelas”.

O Sindicato Labrego Galego participa na plataforma “Por un monte galego con futuro” que organiza unha manifestación o 20 de outubro, ás 12,00, na Alameda de Santiago de Compostela, e que coincide con distintas mobilizacións a nivel mundial contra o cambio climático.

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí
Captcha verification failed!
La puntuación de usuario de captcha falló. ¡por favor contáctenos!
Concello de Val do Dubra
spot_img

Síguenos

7,820FansMe gusta
1,661SeguidoresSeguir
1,790SeguidoresSeguir
509SuscriptoresSuscribirte

Últimos artigos