//X.M. Lema//
O alcalde de Coristanco, Juan Carlos García Pose, ten a sensación de que “imos na boa dirección” con respecto aos pasos que se están dando en relación á Festa da Pataca e ao produto que se homenaxea.
”Os mercados cambian e estamos nun momento transcendental para a pataca de Coristanco” sinalou o rexedor apelando á necesidade de contar “cunha marca que xere prestixio e confianza nos consumidores”.
Este sábado presentarase (17h) a marca de garantía “Pataca de Coristanco” e tamén o proxecto para a declaración de interese turístico, para unha celebración que o ano próximo cumpre corenta edicións. “A festa de interese é un aval” ten claro Juan García, consciente de que “a festa tiña que evolucionar no aspecto gastronómico para que atraia xente.Queremos que gocen dos nosos produtos e dos contidos adicionais que temos na Festa da Pataca”.
CONSULTA AQUÍ A PROGRAMACIÓN DA FESTA DA PATACA 2019
En declaracións ao programa “Na Encrucillada” de Radio Xallas (107.5FM), o mandatario ten claro que “temos un bo produto e temos que coidalo e poñelo en valor”.
Neste sentido van as novidades da presente edición, con máis actividades, xornadas técnicas, showcookings, máis produtores vendendo e hostaleiros locais implicados:”A festa ten que redundar no comercio local, na restauración e nos produtores”.
Desde o concello de Coristanto convídase a todas as persoas que queiran a participar nos actos que arrincan este venres coas xornadas técnicas e continúan o sábado e o domingo cun amplo abanico de opcións para pasar unha fin de semana entretida neste municipio da comarca de Bergantiños.
.jpg)
