Reunifica o POS, o PAS e ao PAI e promove un novo plan dotado con 74 millóns de euros.
A Deputación provincial da Coruña opta por reunificar o Plan de Obras e Servicios, o Plan de Acción Social e o Plan de Aforro e Investimento nun único plan de concellos, o Plan POS+ 2017, dotado con 74 millons de euros “o maior orzamento contemplado nun plan provincial na historia da Deputación” segundo explican desde a entidade provincial.
Os obxectivos deste plan son favorecer o mantemento do emprego local, reforzar a autonomía municipal e simplificar a tramitación. O presidente da Deputación, Valentín González Formoso asegurou trátase de “dar un paso máis co deseño dun novo plan de todos e para todos, que centralice a maior parte das achegas provinciais nunha soa convocatoria”.
Deste xeito agruparanse o POS,PAS, PAI e ata once liñas de subvencións diferentes nunha soa convocatoria anual, para permitir unha mellorplanificación aos concellos co correspondente aforro de tempo e de recursos humanos.
Segundo o goberno provincial, Os fondos distribuiranse de forma obxectiva entre todos os concellos coruñeses utilizando os criterios do POS, que se basean en cuestións como a poboación, a superficie ou o esforzo fiscal de cada municipio e que durante mais de 25 anos gozaron do consenso de todas as forzas políticas representadas na Deputación.Outro dos obxectivos é o saneamento dos concellos, e poderase dedicar ata o 75% do plan a pagar débeda a proveedores.
“Isto non só servirá para sanear as contas dos concellos,senón que repercutirá positivamente no tecido empresarial, conformado en boa parte por pequenas e medianas empresas, incrementando así a actividade económica da provincia e axudando a consolidar o emprego a nivel local, obxectivo prioritario e transversal de todas as políticas deste Goberno” manfestou González Formoso.
Acompañaron ao presidente provincial na presentación a Vicepresidenta, Goretti Sanmartín, e os deputados Xosé Regueira, responsable da área de Plans e Asistencia aos concellos e Antonio Leira, da área de Economía e Facenda.
Para Goretti Sanmartín o POS + 20117 supón“un cambio de modelo total respecto do actual para darlle absoluta autonomía aos concellos, simplificar a tramitación administrativa e ofrecer con tempo unha previsión anual para a elaboración dos orzamentos municipais”.A vicepresidenta destacou que “históricamente os concellos tiñan que vir á Deputación para solicitar as súas demandas, agora poden ter unha previsión inicial e os recursos están ao seu dispor desde o primeiro momento, con criterios obxectivos, os do POS, que levan vixentes varias décadas con consenso político”.
