Os alcaldes de A Laracha, José Manuel López Varela, e Mazaricos, Juan Blanco estrean unha nova sección de entrevistas con alcaldes de Galicia.
Entrevistas concello a concello
Unha das grandes demandas dos nosos lectores/oíntes é a política local. Despois de iniciar o ciclo de entrevistas “Conversas na Encrucillada” houbo quen nos suxeriu dar voz a alcaldes e representantes de distintos municipios.
E na redacción de Adiante Galicia xurdiu a idea de comezar un xeira de visitas ós concellos, nos que haxa disposición a atendernos e que na medida do posible nos poidamos achegar. Desde mañá xoves 3 de marzo, poñeremos a andar “Hoxe en” unha conversa con alcaldes galegos.
“Hoxe en A Laracha” e “Hoxe en Mazaricos”
Este xoves a unidade móbil de Adiante Galicia visitará dous concellos para falar cos seus rexedores.O primeiro convidado será o mandatario de A Laracha, na comarca de Bergantiños. José Manuel López Varela, do Partido Popular, leva sendo alcalde desde 1999 con cinco contundentes maiorías absolutas consecutivas.
Dun político veterano do centrodereita a un alcalde debutante da esquerda nacionalista. O segundo protagonista é Juan José Blanco Riveiro, alcalde de Mazaricos, na comarca do Xallas, e que acadou unha ampla maioría absoluta nas pasadas eleccións rachando coa hexemonía do Partido Popular no municipio.As entrevistas tamén serán emitidas pola emisora Fórmula Fun Galicia. Mañá anunciaremos a data de difusión das entrevistas.
¿Queres que visitemos o teu concello?
Se queres que Adiante Galicia estea no teu concello, que promocione a túa actividade ou colaborar no noso proxecto podes contactar connosco dos seguintes xeitos.
Teléfono- 881817525 – 627217963
Canle WhatsApp- 618417894
correo electrónico contacto@adiantegalicia.es
Se queres enterarte das nosas novidades pincha aquí. Tamén ofrecemos a posibilidade de que te subscribas ao noso servizo informativo gratuíto de alertas de WhatsApp.