Temazo de Mr. Kamándula !!. Unha canción que nos encarrila desde o principio como as vías dos trens melancólicos dos emigrantes.
Unha historia da “Diáspora” que foi gravada en Cimática Studio e convertida en video-clip grazas ao traballo de Pixelin Photo, con imaxes nos arredores da capela de San Mauro en Ames e de galegos da emigración.
Mr. Kamándula ofrécennos unha dose rockeira cunha temática directamente relacionada coa nosa historia como pobo.
Alberto Dubra, David Moss, Alberto Salas e Luis do Muíño forman esta banda de hard-rock que con anterioridade lanzaron os temas (con video-clip) “O Apalpador” e “Nove meses”.
Este é o vídeo
Esta é a letra da canción «Diáspora»
Naceu nunha pequena aldea á volta dun adro
A vida tivo que buscala pois non había cartos
A súa infancia quedou nun agro empurrando un arado
Os seus pais esforzáronse tanto para dar catro bocados
Galego na diáspora so pensabas en mellorar
Galego na diáspora sen saber o que ías atopar
Galego na diáspora moi moi lonxe da terra
Galego na diáspora traballaches sen tregua
Dezaoito, marchaches da casa houbo que emigrar
Catro pesos e un billete de tren ata pronto meu rei!
O destino tampouco importa non había data de volta
Centos de bagoas e un adeus unha maleta na porta
Galego na diáspora so pensabas en mellorar
Galego na diáspora sen saber o que ías atopar
Galego na diáspora moi moi lonxe da terra
Galego na diáspora traballaches sen tregua
