15.4 C
Santa Comba
jueves, junio 30, 2022

Mónica Rodríguez:“Vimianzo é un concello coas portas abertas onde o diálogo é unha prioridade”

A alcaldesa de Vimianzo, Mónica Rodríguez(PSOE), incidiu nun dos compromisos principais desde que chegou á alcaldía:“Vimianzo é un concellos coas portas abertas e o diálogo é unha prioridade”.

Un entendemento do que Rodríguez fai partícipe á oposición (Adiante Vimianzo e BNG):”En Vimianzo hai un diálogo continuo.Agradezo as boas relacións que hai, dentro das grandísimas diferencias que nos separan. A confrontación non leva a ningún sitio.Hai que pensar en Vimianzo, unindo os nosos esforzos”.

Uns esforzos que deben ir repartidos no territorio:“Hai que pensar nas 14 parroquias, tanto nas obras como nas actividades” sinalou a alcaldesa, nunha entrevista no programa “Na Encrucillada” de Radio Xallas.

Escoita aquí a entrevista con  Mónica Rodríguez- desde o minuto 40

“Estamos impulsando obras necesarias e imos á velocidade que podemos” comentou Mónica Rodríguez, destacando actuacións que se están desenvolvendo en pavimentacións “ou na substitución de máis de 4.000 luminarias en todas as parroquias, que suporá a redución do consumo e da contaminación lumínica”.

Unha das grandes eivas que encontra o goberno socialista vimiancés é a maquinaria administrativa:“A burocracia que nos envolve a veces dáme impotencia por non poder resolver máis rápido os problemas. Somos a primeira porta onde acude un veciño”.E hai que ter unha folla de ruta:“O concello é como unha familia cuns ingresos e uns gastos e hai que priorizar” aclara.

Todo isto nunha lexislatura marcada pola pandemia:“Foron tres anos duros, complicados pola pandemia e tocou priorizar a saúde dos veciños, pero estamos traballando ao cento por cento por Vimianzo, coidando o noso patrimonio e executando obras”.Na entrevista tamén se falou da nova edición do Asalto ao Castelo e da C.M.A.T. que Rodríguez preside.

Fotos-Víctor Hugo

Pódeche interesar

DEJA UNA RESPUESTA

Por favor ingrese su comentario!
Por favor ingrese su nombre aquí

Concello de Val do Dubra
Concello de Val do Dubra
spot_img
spot_img

Síguenos

7,820FansMe gusta
1,661SeguidoresSeguir
1,776SeguidoresSeguir
459SuscriptoresSuscribirte

Últimos artigos