Jonny Souto, representante da Costa da Morte no concurso “Recantos” do Luar da TVG.
P- Como está sendo a experiencia no concurso do Luar?
R- A experiencia está sendo moi boa polo trato dos compañeiros e de todo o grupo de presentadores, cámaras, colaboradores.
P- Neste concurso aparte do teu traballo é moi importante o apoio do público..
R- Correcto.O apoio do público e fundamental. Polas chamadas, polo Whatsapp e pola redes sociais Facebook e Twitter. Son puntos que axudan a saír da zona de perigo e pasar á seguinte fase.
P- Cal foi a túa primeira intervención con público?
R-A primeira vez foi con 8 ou 9 anos no Festival da Canción do Xallas.Antes cantara na hípica de Santa Comba pero en grupos reducidos.Sempre me gustou cantar.
P- E porque te decidiches a concursar neste programa da TVG?
R-Estábame preparado para outro concurso. E a través dun contacto propuxéronme se quería concursar que estaba o prazo aberto e decidinme .A miña intención é formarme tecnicamente e darme a coñecer.
P- Polo tanto que non falamos dunha experiencia puntual senón que queres seguir neste mundo..
R- Eu quero tentar abrirme camiño e chegar a ter algún día o meu propio disco, con algunhas cancións miñas.
P-Artistas favoritos?
R-Teño moitos pero por exemplo, David Bisbal, Bustamante, Il Divo, aínda que tamén me encanta Andrea Boccelli polo seu estilo e o seu repertorio.
P- E este venres actuación
R- Actúo este venres 23 de novembro. Tócame iniciar a segunda fase. Espero dalo todo. Espero que toda a xente me apoie tanto como na primeira fase e quero darlle as grazas a toda a xente que me está apoiando coa publicidade e nas redes sociais
