5675 fans     1543 seguidores     43 seguidores - Club Adiante - Dirixe: Xosé Manuel Lema [Contacto]
Adiante Última Hora
  • Cargando las noticias de última hora...Cargando las noticias de última hora...

Evaristo Ben:“O noso obxectivo como partido é ser a forza máis votada na Costa da Morte”

Evaristo Ben:“O noso obxectivo como partido é ser a forza máis votada na Costa da Morte”

Entrevistas | Publicada: 18/10/2018

Aumentar texto Disminuir texto Reiniciar texto
64
40
0

Email Google+ Pinterest WhatsApp Menéame Chuza! Cabozo

Tempo de lectura: 9 minutos e 12 segundos.

Entrevista a Evaristo Ben en Adiante Galicia.O vicesecretario de organización e xefe de campaña do Partido Popular na provincia da Coruña concedeu unha entrevista ao noso xornal.

P-Está notando que esta nova política de reunións comarcais están servindo para activar o partido?

R-Como partido político, desde a chegada á presidencia de Diego Calvo, establecemos que esta é a mellor maneira de estar en contacto directo cos militantes, afiliados e simpatizantes. Estas reunións permanentes, ademais de para escoitar as ideas e as posturas de cada un deles, sérvennos para aprender. Non se trata tanto dunha estratexia política e si da convicción de que está é a mellor forma de facer política.

P-Unha das comarcas onde o PP deu un paso atrás en 2015 é a Costa da Morte. Parece que agora teñen boas expectativas. Confían en recuperar o deputado provincial?

R-O noso obxectivo como partido é ser a forza máis votada nesta comarca. Estamos convencidos de que gañaremos as eleccións nestes concellos, levamos moito tempo traballando duro para conseguilo.

P-No concello de Cee optouse por recuperar a un exalcalde. Non é o máis habitual....

R-Cee preocúpanos e moito. Fronte á situación de inacción e de deixadez dun goberno local ausente  e deriva nós presentamos un candidato avalado por unha xestión acreditada. Antonio Domínguez decidiu dar o paso á fronte e eu só quero lembrar que os mellores anos de Cee, os de máis crecemento e as de máis oportunidades tiveron lugar con el como alcalde.

"O noso obxectivo non só pasa por recuperar o goberno de Fisterra e Cee, senón que esperamos gobernar en máis concellos"

P-Confían en facerse coas alcaldías de Fisterra e Cee ou incluso con algunha máis no partido xudicial de Corcubión?

R-Gustaríame proponerlle ao PSOE que nos concellos da comarca gobernase a lista máis votada.  Como me imaxino que non aceptarán o reto, xa lle adianto que o noso obxectivo é máis ambicioso e que pasa, non só por recuperar o goberno de Fisterra e Cee, senón que esperamos gobernar en máis concellos.

P-En Camariñas volve a presentarse Mauro Aufiero. O PSOE goberna desde o 1983 ininterrumpidamente. Pensa que pode cambiar esta situación?

R-Confiamos moito en Mauro e no seu proxecto de rexeneración política.  Queremos que o futuro de Camariñas pase pon un goberno para todos os veciños, que non exclúa a ninguén, que non estea paralizado e que sume. Camariñas merécese ser noticia por todas as cousas boas que ten e non polos continuos escándalos políticos  aos que nos ten afeitos nos últimos anos.

P-Haberá candidatura no concello de Dumbría?

R-Haberá candidatos nos 93 concellos da provincia de A Coruña

P-Na bisbarra de Bergantiños, Carballo é unha praza que se resiste desde fai anos e na que o PP foi en retroceso nos últimos comicios locais. Tamén son optimistas? 

R-2015 foi un ano complicado como partido político. En Carballo confiamos no traballo que está a realizar o grupo municipal e a xente da xunta xestora. Estou seguro de que contaremos cun equipo atractivo, que sintonice con todos os votantes que o Partido Popular ten en todas as eleccións. As municipais son un punto e  aparte na política de Carballo. Polo que temos entendido, o señor Ferrero preséntase sen convicción e por un compromiso co partido. Creo que os veciños de Carballo merecen saber si ten pensado acabar a lexislatura en caso de ser elexido como alcalde ou de estar na oposición. 

Gustaríame facer un chamamento á xente do Partido Popular para que vote ao equipo que imos presentar e que está comprometido con e por Carballo.

P-E no resto do partido xudicial de Carballo?

R-No 2015 gañamos en todos os concellos e uns 80 votos priváronnos de conseguir as alcaldías de Laxe, Ponteceso e Coristanco. Agora non podemos ter outro obxectivo que o de gobernar nestes tres concellos e, sobre todo, consolidar as alcaldías de Laracha, Malpica e Cabana.

"Santa Comba é un claro exemplo de que si os votantes do Partido Popular están unidos gañaremos con claridade e con maioría absoluta".

P-Falamos da comarca do Xallas.En Santa Comba goberna o PP pero as últimas eleccións non se gañaron.Que agarda deste concello?

R-O noso presidente provincial leva meses apelando á unidade do partido na provincia. Santa Comba é un claro exemplo de que si os votantes do Partido Popular están unidos gañaremos con claridade e con maioría absoluta. Con María Pose esperamos contar cun proxecto unido, comprometido e xeneroso.

P-Cando coñeceremos ao candidato ou candidata de Mazaricos?

R-Nas próximas semanas saberemos o candidato ou candidata de Mazaricos. Formaremos un bo equipo.

P-Por último, vostedes insisten moito na necesidade de recuperar a Deputación. Encontra moitas diferencias entre a Deputación gobernada polo PP e a actual de PSOE e BNG?

R-Non queremos recuperar a Deputación para o Partido Popular, querémola recuperar para os veciños da provincia da Coruña. O exemplo do que digo atopámolo no Plan Único que acaban de aprobar e que non contentou a ningún alcalde da provincia. Estamos ante un plan único que mingua a súa partida económica respecto ao ano pasado. 

Nós deixamos unha Deputación saneada, con plans, con acción permanente e ligada aos veciños, e ímonos a atopar unha Deputación menguante e ausente igual que o seu presidente, que parece máis preocupado en arranxar os problemas do seu partido, que falta lle fai, que de gobernar a Deputación.

Se queres podes deixar un comentario sobre esta noticia no Facebook:

Pódeche interesar...

Manuel Andrés Iglesias Mouro se sitúa al frente de Novas Xeracións de Santa Comba

Manuel Andrés Iglesias Mouro se sitúa al frente de Novas Xeracións de Santa Comba

Se nombró una nueva junta gestora en Santa Comba. La sede local del Partido Popular de Santa Comba ha acogido una …

Ler máis
Amancio Lavandeira:”Se non chegamos á maioría absoluta teremos gobernando a Antonio Pensado catro anos máis”

Amancio Lavandeira:”Se non chegamos á maioría absoluta teremos gobernando a Antonio Pensado catro anos máis”

AUDIO coa entrevista a Lavandeira a partir do minuto 30.   O candidato de Terra Galega á alcaldía de Corist…

Ler máis
Desaconsejan el consumo de las botellas de aceite llegadas a Camelle y Arou

Desaconsejan el consumo de las botellas de aceite llegadas a Camelle y Arou

Cientos de botellas de plástico conteniendo aceite de girasol de origen desconocido, llegadas a las costas de Camariña…

Ler máis

Noticias sobre A Costa da Morte, as suas comarcas e os seus concellos: Bergantiños, Soneira, Camariñas, Carballo, Cee, Corcubión, Dumbría, Fisterra, Muxía, Vimianzo, Santa Comba e Zas.
Opinión
Feira Primavera Santa Comba 2019
Promo Carritos Gadis 2019
GDR 2019
Gadis 36.000 euros 2019
Autos Xallas
Concello de Coristanco
Concello de Dumbría
Concello de Mazaricos
En breves

Adiante TV

Opinión

Psicología y Carnavales

Lidia Rial

Los Carnavales se acercan y con el llega un momento perfecto para que niños y mayores disfruten de este rito tan lúdico. Lo auténtico de estas f…

Lidia Rial
Ler máis

La partitocracia del Reino de España

Álvaro Rodríguez

España, al igual que todos los estados europeos,  está gobernada por un partido único, que se divide en facciones. Cada facción se denomina parti…

Álvaro Rodríguez
Ler máis

"Juntos, café para dos, fumando un cigarrillo a medias"

Daniel Lago

Quase 40 anos depois, seguimos com o Estatuto de autonomia sem desenvolver. Aparece na minha cabeça essa opulenta frase, que mais parece derivada de …

Daniel Lago
Ler máis

Conversas na Encrucillada

Usamos cookies propias e de terceiros para mostrar publicidade personalizada segundo a súa navegación. Se continua navegando consideramos que acepta o uso de cookies. OK Máis información