Entrevista a Xoaquín Fernández Leiceaga para Adiante Galicia.
Falamos con Xoaquín Fernández Leiceaga o mesmo día que visitaba ás agrupacións locais de Ponteceso, Malpica, Carballo e Camariñas. O aspirante á secretaría xeral pensa que o partido ten que organizarse e “definir unha política única para o conxunto de Galicia”.
P-Como está sendo a súa rolda de visitas as agrupacións locais de toda Galicia?
R-Estoume encontrando a xente que xa coñecía doutras campañas e que ten unha actitude moi produtiva, coas propostas de pór en marcha o partido e de construír unha alternativa progresista ao Partido Popular
P-Que lle falta ao PSdeG para ser ese partido que vostede quere?
R-Primeiro fortalecerse como organización e definir unha política única para o conxunto de Galicia que poida ter atractivo para amplos sectores da sociedade. Temos que ser capaces de modernizar e poñer ao día o noso proxecto que é progresista, factible e de goberno.
P-Ao mellor máis que os galegos non acolleran a mensaxe do PSdeG foi máis ben que non se soubo trasladar…
R-Non o soubemos trasladar ben pero o que trasladamos foi demasiado ruído interno e agora o que necesitamos é trasladar ideas innovadoras e resolver os problemas da xente. Temos que centrarnos nisto último.
Leiceaga en Camariñas este venres 1 de setembro
P- Como están os militantes?
R-Atopo unha militancia expectante. Tivemos un proceso en España que rematou coa elección de Pedro Sánchez e agora o que esperan é que fagamos o mesmo en Galicia, que poñamos en orde o partido e empezamos a funcionar pensando nas eleccións municipais que é o grande reto que temos por diante.
P–Confía en que non haxa ningún tipo de interferencia por parte de órganos do partido.
R-Penso que non a vai a haber.Debe ser un proceso de xogo limpo e hai que deixar ós militantes que decidan libremente e espero sexa así.
