3860 fans     1290 seguidores     39 seguidores - Club Adiante - Dirixe: Xosé Manuel Lema [Contacto]

“Queremos acabar cos luxos da clase política e cos chiringuitos"

“Queremos  acabar  cos luxos da clase política e cos chiringuitos"

Entrevistas | Publicada: 13/09/2016

Aumentar texto Disminuir texto Reiniciar texto
0
5
0

Email Google+ Pinterest WhatsApp Menéame Chuza! Cabozo

Tempo de lectura: 11 minutos e 4 segundos.

Entrevista a Jorge Álvarez(Cidadáns-Centrum).

Hoxe publicamos a entrevista que lle fixemos a Jorge Álvarez Castrillón que é o candidato á presidencia de Galicia pola coalición entre Cidadáns de Galicia e Centrum, este último partido formado por militantes que abandonaron Ciudadanos. Defínense como unha coalición de centro que aspira a gobernar Galicia xa que para Álvarez o goberno do PP foi de parálise e fachada e as forzas da oposición pretenden coller o relevo para facer o mesmo.

P- Como afrontades esta campaña electoral?

R-Pois con moita ilusión e con ganas e poder convencer aos galegos e galegas de que en política non todo está perdido e que a pesar dese hastío que senten agora coa actual clase política se pode recuperar a confianza  e as ganas de cambia as cousas, pero sempre desde a participación cidadá.

P-Que valoración nos podes facer do actual goberno galego?

R-Non fixo nada, todo é unha fachada e creo que realmente Galicia non se merece o tempo de parálise que viviu nos últimos tempos. A crise non é escusa para  a perda de calidade de vida que tivemos os galegos e as galegas. Como traballador autónomo, esforceime coma o que máis para sacar este país adiante, sobre todo, nesta recuperación que nos queren facer crer que hai, pero a realidade é que os servizos públicos, a educación, a sanidade, a dependencia, a atención aos nosos maiores, o emprego, as infraestruturas, o desenvolvemento económico aínda ten moito que recuperar para volver aos niveis anteriores e para ofrecernos aos galegos as prestacións que nos merecemos.

P- E da oposición?

R-A oposición está esperando o relevo para facer o mesmo, porque son iguais, son o mesmo can con distinto colar. Os galegos e as galegas queremos baixar a clase política do ceo e que poñan os pés na terra como o resto dos mortais e Cidadáns Centrum somos a única opción que o quere facer.  Creo, que a clase política galega, en xeral, perdeu o sentido do que verdadeiramente era importante para os galegos. É curioso como temas como conciliación, dependencia, poder adquisitivo, rendas familiares, mellora das pensións, etc. só saen a relucir en época de campaña electoral. Habería que ver cántas proposicións parlamentarias se presentaron ao redor destes grandes temas nos últimos catro anos.

Estes días estou percorrendo Galicia e en todas as cidades e en boa parte das estradas que percorro atópome con treitos en obras, cando outros anos, en pleno verán nin sequera había cuadrillas municipais para limpar as cunetas. E non son eu só o que se da conta disto. Cada día, máis persoas coas que falo mo din e me trasladan o fartos que están de que se utilicen os seus votos.

P- Se fórades chave optaríades por pactar co PP ou coas demais forzas nunha coalición?

R-Cidadáns Centrum opta a presidir a Xunta de Galicia cun proxecto propio que ningún partido quere ofrece e no que coinciden todos os cidadáns: acabar cos luxos e os privilexios da clase política y cos chiringuitos institucionais que absorben miles e miles de millóns de euros en vez de destinalos a política social, emprego e desenvolvemento económico; pactaremos primeiro con calquera partido que queira facer isto e segundo que estea acorde co noso programa xeral. Se os galegos e as galegas queren que a clase política se sente a negociar, tal e como o fixeron os españois nas dúas últimas citas, Cidadáns Centrum sentarase e negociará en base a propostas de cambio. Non imos a mercadear cos nosos votos. Se logramos a confianza dos galegos, defendemos as posición que nos fixeron dignos deses apoios, senón estaríamos traizoándoos e traizoando aos principios que defendemos.

P- A vosa coalición e unha especie de Ciudadanos en versión galega?

R-A nosa coalición está formada por dous partidos de centro, un como Cidadáns de Galicia que xa leva un tempo constituído e outro coma Centrum de recente creación. Pero estamos moi orgullosos de ternos presentado xuntos a estas eleccións porque desde o primeiro momento atopamos puntos en común e posicións similares ante os problemas dos galegos.

P-Dime dúas ou tres medidas que considerades fundamentais para mellorar Galicia.

R-Coma dicía antes, o primeiro de todo que e o mais rápido e sinxelo, é acabar cos luxos e os privilexios da clase política; a rexeneración democrática si ou si sobre a base da participación da cidadanía; creación de emprego e mellora do tecido produtivo galego con políticas activas que aposten polos traballadores autónomos e por sectores senlleiros na Comunidade coma o lácteo,a pesca, o naval  ou o téxtil, entre outros e medidas que atallen a crise demográfica que vivimos.

P-Dáme un motivo para votar Cidadáns-Centrum o vindeiro 25 de setembro?

R-Somos un partido de xente da rúa, que vivimos os problemas directamente e que só quere que se fale do que verdade nos preocupa e nos ocupa: os problemas das familias para chegar a fin de mes, a dificultade para pagar as vacinas dos nosos fillos, os libros e o material escolar e a educación para que teñan un posto de traballo, a emigración dos nosos titulados e investigadores que non atopan oportunidades en Galicia, os problemas de conciliación das familias, a sanidade que non cubre as nosas expectativas, os nosos maiores que renuncian a un envellecemento activo para ocuparse dos seus netos porque os pais teñen que traballar, etc. Imos reducir todo o gasto político en favor da política social; é dicir, que os impostos que págamos se destinen para dar un servizo aos cidadáns, non para engordar políticos parásitos que son os causantes dos nosos problemas. Cidadáns ricos, políticos pobres e non ao revés como nos ten acostumados a vella política.

Os políticos tradicionais céntranse unicamente en gastar o diñeiro dos cidadáns en políticas de costas a eles e a nós preocúpanos moito máis como conseguir que os galegos teñan máis poder adquisitivo, liberdade e capacidade de manter aos seus fillos. 

P-Por último, deixolle este espazo para que lle transmita o que desexe aos lectores de Adiante Galicia

R-Que pese ao hastío que poden sentir ao ter que votar unha vez máis, o seu voto conta máis que nunca e que sexan conscientes de que a súa voz e a súa opinión, expresada nas urnas, pode cambiar a realidade do seu día a día. E nós, Cidadáns Centrum estamos aquí para facelo.

@AdianteGalicia

Se queres podes deixar un comentario sobre esta noticia no Facebook:

Pódeche interesar...

Ordenanza sobre la mesa y mucho acaloramiento verbal en Santa Comba

Ordenanza sobre la mesa y mucho acaloramiento verbal en Santa Comba

La ordenanza sobre protección de caminos queda sobre la mesa. La alcaldesa da cuenta de una liquidación positiva del a…

Ler máis
Ángel Alvariño:“O meu desexo é que a escola se integre no Consorcio”

Ángel Alvariño:“O meu desexo é que a escola se integre no Consorcio”

El próximo lunes el gobierno de Neda pone a disposición de los vecinos una jornada de puertas abiertas para que conozc…

Ler máis
A Carballeira de Berdeogas acolle a XVII Festa da Familia

A Carballeira de Berdeogas acolle a XVII Festa da Familia

“É a nosa festa máis importante, a que máis cariño lle temos polo que representa para todos nós". Asegura el alca…

Ler máis

Noticias sobre A Costa da Morte, as suas comarcas e os seus concellos: Bergantiños, Soneira, Camariñas, Carballo, Cee, Corcubión, Dumbría, Fisterra, Muxía, Vimianzo, Santa Comba e Zas.
Opinión
Enova Energia
Festival da Luz Gadis 2017
KNM Abogados
Verán Xalleiro 2017
Costa Artabra
OndaHit
Auto Xallas 2017
Concello da Laracha
Concello de Mazaricos
En breves

Adiante TV

Opinión

Fuco Pérez Sen Segundo,veciño de Gargamala

Xosé González Martínez

  Cúmprese este ano  o 55º aniversario da obra de Celso E.Ferreiro “Longa noite de pedra”, publicada en 1962. Un dos poemas que contén o l…

Xosé González Martínez
Ler máis

Día da patria galega/Día de Galicia, xornada de pedagoxía galeguizadora

Xosé González Martínez

Presenciei moitas veces a mesma escena, aínda que con distintos protagonistas. Rematada a manifestación para reclarmar  protección gobernamental p…

Xosé González Martínez
Ler máis

Saiamos a rua a festejar !! Um novo tratado de livre comércio foi un feito!!!

Daniel Lago

Isso seria a lógica mesma, que deveria de funcionar logo da posta em marcha do JEEPA, o acordo de livre comercio entre a UE e o Japão.   Na c…

Daniel Lago
Ler máis

Conversas na Encrucillada

Usamos cookies propias e de terceiros para mostrar publicidade personalizada segundo a súa navegación. Se continua navegando consideramos que acepta o uso de cookies. OK Máis información