Eladio Fernández é o presidente fundador e candidato por Ourense de Vía Nova, un partido que se define centrista. Fernández critica ao PP que actúa como unha sucursal de Madrid pero tamén a oposición, que lle parece inexistente. O lema de campaña é “Basta xa de calar” e este foi o resultado da entrevista para Adiante Galicia.
P-Dame un ou dous motivos para votar a Vía Nova.
R-
1. É un partido de ámbito galego, que quere traballar para respaldar un Goberno reiteradamente galego, deixando de ser unha mera delegación de Madrid en Galicia como ata o de agora.
2. Queremos representar o profundo sentir da maioría dos galego, dicindo a verdade e contando coa xente, xa que nacemos dende a base social galega, sabendo que se abre un novo tempo para Galicia e que só a unidade da maioría dos galegos crendo nun proxecto común pode sacarnos adiante nunha situación económico-social tan difícil, xa que ninguén vain vir salvar Galicia, se non o facemos os galegos.
P-Como definirías ideolóxicamente a Vía Nova?
R-VÍA NOVA é un partido político de ámbito galego, de centro, como espacio no que mellor nos sentimos o maioría dos galegos, para defender o noso e a nosa identidade como país, aínda que cremos convinte a integridade do Estado, firmemente integradores e europeistas, sen dependencias de gobernos-delegación de Madrid.
P- Algunha proposta coa que pensades que se podería mellorar a vida no noso país…
1. Defensa e fortalecemento da identidade galega, cultura, lingua, costumes como paìs
2. Un Plan Económico Marco Galego, transversal que abrangue os sectores básicos da industria, agro-gandeiro, pesca, turismo e sectores emerxentes.
3 A posta en marcha dun plan de choque e urxente para evitar a emigración dos mozos mellor formados
4 A planificación social e dos servizos básicos, dende a eficencia e como dereito dos cidadáns
5 A racionalización da administración galega ( incluíndo fusións dos concellos, servizos das deputacións….)
6 O remate das infraestructuras estratéxicas galegas
7 O cambio de mentalidade acabando cos localismos que tanto dano fixeron a Galicia.
P-Que pensades do actual goberno galego?
R-Que non cumple as funcións dun goberno galego, senón de unha sucursal do P.P para controlar, con preto de 9.000 mill. de euros por ano, a política clientelar que o PP ten montada en Galicia dende décadas o redor das deputacións e concellos,, que se especializaron en fabricar maiorías absolutas, para presentar como botín en Madrid, contando co voto cautivo masivo nas zonas máis deprimidas de Galicia, e tendo como resultado os medidores económicos comparativos que só demostran decadencia económica galega, avellentamento e despoboación , comparando co resto de España e de Europa.
P-Como valorades a oposición?
R–En Galicia a oposición non existiu, só se adicaron a facerse oposición mirándose o embigo, desentendéndose do interés por Galicia, co cal o PP «campou ás súas anchas». Non existiu en Galicia, por desgraza, unha oposición seria, informada, de con vocación de servizo público ciudadán e querendo ser alternativa de goberno.
P- Por último, deixamos este espazo para o que queirades engadir de xeito breve..
R Galicia ten que estar por encima de todo. Os galegos estamos sufrindo unha crise moi profunda, o paro dos mozos é un atentado o noso futuro como pobo de progreso. O tecido industrial está en fase decadente, o financiero desapareceu por completo, as grandes empresas son absorbidas por foráneas, as principais infraestructuras sen acabar. Con todo isto temos ás portas as eleccións máis determinantes para Galicia dende o inicio deste último periodo constitucional. A vista dos feitos cremos necesario novas formas de gobernar, que conten coa xente, dicindo a verdade, xa que é cousa de todos.
» BASTA XA DE CALAR» , o noso lema de campaña ven a reflexar a necesidade do cambio social da sociedade galega, por o trato discriminatorio con Galicia e por débeda histórica con este país. Por iso queremos comenzar un novo camiño ( Vía Nova) en Galicia.Galicia necesita un liderazgo enteiramente galego, só os galegos podemos salvar Galicia. Vía Nova vai traballar para convencer á maioría de galegos con argumentos sólidos, serios e razonables que axentes políticos, empresarios e cidadáns, temos que unir esforzos para empezar a saír desta.
