Unha nova “Conversa na Encrucillada” permítenos situarnos na Coruña, para conversar coa voceira do BNG, Avia Veira que ten claro que nun goberno nacionalista non se apoiaría un formato como o “Dillo ti”. Veira pensa que Marea, PSdeG e BNG deberían entenderse e lamenta que o goberno local optara por “fardar” en lugar de reprobar ás polémicas declaracións do asesor do alcalde.
Conversa con Avia Veira
P-Vaise cumprir o primeiro ano desta lexislatura. Como valoras a xestión do goberno.
R-A Este goberno faltoulle valentía para executar os cambios de política que prometeu en campaña electoral.
P-De tódolos xeitos supoño que estaredes máis preto da Marea Atlántica que do PSOE ou do PP.
R-Sen dúbida. Non hai nada máis que ver os programas electorais. Xa dixemos que eran proxectos diferentes pero complementarios. Hai moitas semellanzas.
P- Lamentas que non houbera máis entendemento entre a Marea e o BNG ou consideras que hai o suficiente.
R-Penso que hai o suficiente. Aínda que me gustaría poder chegar a acordos que fosen máis efectivos e desen maiores froitos polo ben da cidade.
.jpg)
P-O BNG pasou de catro a unha concelleira.Pensas que o BNG pode recuperar presenza no salón de plenos
R-Eu son optimista. Creo que podemos recuperar apoios e que é posible.
P-Cales serían as prioridades para a cidade se o BNG estivera no goberno?
R-A loita contra o desemprego. A loita contra a pobreza que hai que atallar desde varias frontes desde os servizos sociais do concello, o dereito a vivenda e tamén a recuperación dos barrios da cidade, que foi unha das nosas insistencias durante o pasado mandato porque durante os catro anos do goberno do Partido Popular os barrios estiveron absolutamente abandonados.
P-¿Qué Farías co actual formato e gasto do Dillo Ti e do Porta Aberta?
R-Nos non poríamos en marcha un formato tipo Dillo Ti. Porque nos entendemos que o prioritario agora mesmo é reformar o regulamento de participación cidadán para habilitar diferentes mecanismos tendo en conta tamén ó tecido asociativo.Apostamos pola participación directa da xente na toma de decisión.
Escoita a entrevista completa
P-Distintas moción vanse aprobando no pleno, outra cousa é que se cumpran
R-Con respecto ó anterior mandato, agora si se debaten as mocións, e moitas delas saen adiante o que pasa é que vemos como hai moción que non teñen ningunha aplicación e realmente non o entendemos.
P-Parecéronche suficientes as explicacións de Xosé Manuel Sande sobre as afirmacións do asesor do alcalde?
R-Non foron suficientes as declaracións pero chegados ao punto de que nin o alcalde reproba as palabras e que non hai arrepentimento e aínda hai un interese por fardar xa chegamos a unha vía morta. Nós teremos en conta todas esas declaracións para analizar de aquí en diante as relacións do concello co movemento veciñal. Senón se reprobaron e porque están de acordo con elas.
P-Ben, semella que imos ter unha lexislatura animada
R- Cando foi o pleno de organización nos imaxinamos que a cousa ía a ser movida. O importante é que todos actuemos en beneficio da cidade. Non vai saír o proxecto de ninguén porque imos ter que falar entre todos. Penso que se pode chegar a acordos entre as tres forzas políticas que permitimos o cambio na cidade porque hai unhas liñas común e temos que actuar en consecuencia.
