O alcalde de Carballo síntese con toda “a ilusión e ánimo” para continuar no cargo. Evencio Ferrero Rodríguez lamenta que a Xunta e a Deputación “non trate ós carballeses como se merecen”.
Evencio Ferrero(BNG) volverá a optar a alcaldía de Carballo. O dirixente nacionalista leva sendo concelleiro desde 1979 e alcalde desde 2003. Nesta última lexislatura gobernou en minoría. Ferrero Rodríguez participaba fai uns días no programa “Na Encrucillada” que dirixe Xosé Manuel Lema en Fórmula Fun Bergantiños(91.9FM) e Radio Xallas(107.5FM)
P-¿Como afrontas esta nova candidatura?
R- Con toda a ilusión e con todo o ánimo para seguir facendo de Carballo un bo lugar para vivir e moi agradecido polo apoio unánime recibido na asemblea aberta.
P-¿Que foi mellor que tivo a presente lexislatura?
R- O mellor foi a cohesión do grupo e a comodidade coa que se traballou. Tivemos actuacións importantes para o futuro de Carballo. Reducimos a débeda e melloramosas cifras do mandato anterior e isto se reflexa nos indicadores económicos. Ademais Carballo puxo en funcionamento unha nova escola infantil, un centro de día, unha biblioteca e un centro de atención a persoas con necesidades específicas.
P-¿Algunha débeda pendente?
R-Sempre quedan cousas pendentes. O gran reto a superar é o Plan Xeral. Estamos aínda pendentes dos informes de Augas de Galicia que declaran moi afectado o casco urbano e así e moi difícil facer un urbanismo racional. Espero que se impoña a capacidade negociadora e se poida aprobar aínda non presente mandato.
P- ¿Bota menos un maior entendemento coa Xunta e coa Deputación?
R- As administracións non deben de estar ao servizo dos partidos. O Partido Popular non trata os cidadáns de Carballo como realmente se merece. É moi mellorable o comportamento tanto da Deputación como da Xunta, Espero que se dean conta que con comportamentos así están prexudicando aos seus propios votantes e ó conxunto da cidadanía.
P-¿A veteranía é un grao ou limitación de mandatos?
R- Non me importaría que houbera unha normativa de limitación de mandatos pero tamén hai que interpretar a situación en cada momento. Teño 59 anos e teño forza, ilusión, empuxe e ganas para aceptar este reto dun importante grupo de veciños e da confianza que depositaron en min e na nosa candidatura.
P- ¿Como se busca a estabilidade cun goberno en minoría?
R-Cun grupo moi cohesionado, tremendamente capacitado para gobernar, e con moito diálogo co conxunto das forzas políticas. Tendo a nosa condición de minoría hai que ser moi cauteloso cos asuntos a tratar.
P- ¿Pensa que é o momento dunha maioría absoluta do BNG en Carballo?
R-Nos imos a traballar para merecer a maior confianza posible pero serán os cidadáns os que digan ata que punto nos dan a confianza.
P- ¿No tocante a problemática dos recibos do lixo, percibe vostede algún transfundo político?
R- A medida que se aproxima o calendario, a xente vaise poñendo máis nerviosa e vai habendo codazos para coller a posición. E indudable.
Pero tamén e verdade, que nós temos que ter en conta de que é un aspecto legal e así é como se está aplicando na gran maioría dos concellos de mais de vinte mil habitantes. Tódalas vivendas teñen a obriga de aboar unha taxa porque é de recepción obrigada.
Senón pagaran as vivendas desocupadas teríamos que incrementar as taxas ao resto e incrementar de 65 a 92 euros. Isto non sería entendido pola sociedade. Temos que pagar todos e non os de sempre. Gobernar é tomar decisións para favorecer ao conxunto da cidadanía.