Adiante Galicia

Info-AXEGA 112

Unha persoa resultou ferida na tarde de onte no concello coruñés de Santa Comba a causa dun accidente con tres turismos implicados.Ocorreu ao fío das 19:30 horas cando os vehículos circulaban pola DP-2904, á altura do punto quilométrico 14, ao seu paso pola parroquia de Castriz.

A esa hora, o ocupante dun dos turismos sinistrados chamou ao 112 Galicia para informar da colisión e solicitar a presenza de medios de intervención que puidesen restablecer as condicións de seguridade na vía.

Así, desde o 112 púxose a situación en coñecemento dos profesionais de Urxencias Sanitarias de Galicia-061, dos axentes da Garda Civil de Tráfico, dos efectivos de Protección Civil da localidade e do servizo de mantemento das estradas.

Unha vez no lugar, os sanitarios confirmaron aos xestores do 112 Galicia que unha persoa foi evacuada ao Hospital Rosaleda.

Desde o 112 pasouse aviso tamén aos Bombeiros de Santa Comba por se fose necesaria a súa colaboración.