Un operario resultou ferido de consideración esta tarde despois de caer dunha altura duns tres metros nunha gasolineira no Polígono Industrial de Muros.
O 112 Galicia tivo coñecemento do suceso ao fío das 16:00 horas, a través dos profesionais de Urxencias Sanitarias de Galicia-061, que mobilizaron un helicóptero medicalizado ata unha zona próxima ao lugar dos feitos e no que o operario ferido foi trasladado ao centro hospitalario de referencia.
Ademais, para prestar apoio ao equipo médico desprazado a bordo da aeronave, desde o CIAE 112 Galicia solicitouse a intervención dos axentes da Garda Civil e dos efectivos do GES de Muros.
Info-AXEGA 112