Os Bombeiros de Santa Comba acudiron ao lugar de Cerne, no termo municipal coruñés de Zas, co fin de liberar a unha muller que rematou cunha man atrapada nunha máquina que retira as follas dunha planta.Para arredar a man do aparello agrícola, os membros do Servizo de Prevención, Extinción de Incendios e Salvamento de Santa Comba utilizaron o material de excarceración. Unha vez liberada, a muller foi trasladada nunha ambulancia a un centro médico.
O 112 Galicia tivo coñecemento do ocorrido ás 16:10 horas, a través dunha persoa particular que solicitaba asistencia para a muller atrapada.Decontado, o persoal do CIAE 112 Galicia puxo a situación en coñecemento de Urxencias Sanitarias de Galicia-061, da Garda Civil, dos Bombeiros de Santa Comba e da Agrupación de Voluntarios de Protección Civil da localidade.
Info-AXEGA 112