Unha muller necesitou asistencia sanitaria no concello coruñés de Tordoia ao queimarse mentres facía unha fogueira na localidade de Vilar, na parroquia de Castenda da Torre.
Ás 18:30 horas, unha persoa particular solicitou ao 112 Galicia asistencia médica para a ferida, que presentaba queimaduras de diversa consideración. De inmediato, os xestores do 112 puxeron os feitos en coñecemento dos profesionais de Urxencias Sanitarias de Galicia-061, que mobilizaron o helicóptero medicalizado con base en Santiago.
Para prestar apoio ao equipo médico, desde o Centro Integrado de Atención ás Emerxencias (CIAE), púxose a situación en coñecemento dos axentes da Garda Civil.
Fonte-AXEGA 112