Por outra banda, o Centro Integrado de Atención ás Emerxencias (CIAE) 112 Galicia, ás 11:30 horas tamén desta mañá, era informado dun accidente no concello coruñés de Zas e no cal outras dúas persoas resultaron feridas.
Tratouse dun choque entre dous vehículos que circulan pola AC-430, á altura de Baio. Tras recibir a chamada dun alertante, que aseguraba que había persoas feridas, o 112 Galicia avisou decontado ao Servizo de Urxencias Sanitarias de Galicia-061 e á Garda Civil de Tráfico. Tamén se solicitou a colaboración dos axentes da Policía Local, de Protección Civil e a do persoal do servizo de mantemento da estrada.
Os condutores de cada un dos vehículos sinistrados foron evacuados polos servizos sanitarios ata o centro hospitalario de referencia.
Fonte-AXEGA 112