Un home resultou ferido en Carballo tras caer co tractor que conducía por un terraplén.O accidente ocorreu nunha finca da súa propiedade, en A Vixoteira, Rús. Ao redor das 16:30 horas deste sábado, unha persoa particular alertaba do suceso ao 112 Galicia. Indicaba que o home estaba baixo a máquina agrícola pero que tiña mobilidade.
A partir de aí, desde o 112 informouse decontado ao 061-Urxencias Sanitarias, aos Bombeiros de Carballo, Garda Civil, Policía Local e aos efectivos de Protección Civil da localidade.
Tras chegar ao punto, os servizos de emerxencia alí desprazados confirmaron que non foi preciso o uso do material de excarceración para liberar ao ferido que foi evacuado polos servizos sanitarios.