A Consellería de Infraestruturas e Mobilidade vén de adxudicar as obras de reforzo de firme en varios treitos de 5 estradas de titularidade autonómica, ao seu paso polos concellos de Val do Dubra, Cerceda, Carballo, Santa Comba, Mazaricos, Negreira, A Baña e Cee. Nesta actuación, que se pretende desenvolver a partir da segunda quincena de outubro, a Xunta inviste uns 583.000 euros.
As melloras afectarán ás estradas AC-406, AC-413, AC- 441, AC-546 e AC-550, e «teñen por obxecto mellorar a seguridade viaria e as condicións de confort e comodidade dos usuarios».