O CEIP Barrié de la Maza de Santa Comba recibiu un novo recoñecemento. Concretamente o primeiro premio do certame Proxecta de Innovación Educativa 2018 no apartado A, que abrangue a escolas de educación infantil e primaria , colexios rurais agrupados e centros de educación especial.
O centro xalleiro recibirá 6.000 euros deste premio promovido pola Consellería de Educación en colaboración con outros departamentos da Xunta de Galicia.O Proxecta busca «potenciar a motivación e o traballo activo e cooperativo do alumnado e do profesorado implicado nos proxectos».