Un condutor faleceu esta mañá despois de envorcar co seu turismo no termo municipal coruñés de Coristanco, á altura do Carrizal. Ademais, foi precisa a intervención dos bombeiros para excarcerar á vítima, tras quedar atrapada no interior do vehículo que conducía.
Ao fío das 07:00 horas, un persoa particular informaba ao 112 Galicia dun vehículo envorcado, na estrada que une Agualada con Carballo, non aseguraba o número de ocupantes que viaxaban no turismo pero si indicaban que era precisa a intervención dos Bombeiros.
Así, dende o CIAE alertouse decontado ao 061-Urxencias Sanitarias, Bombeiros de Carballo e á Garda Civil de Tráfico. Do mesmo xeito, foron informados os efectivos de Protección Civil da localidade e os membros do GES de Ponteceso, que nada mais chegar ao punto confirmaron que unicamente, a vítima, viaxaba no turismo.