O grupo infantil da asociación «Sen Cancelas Teatro» representou este mércores a obra «Os feitizos de Medea» no auditorio do multiusos de Santa Comba. Os rapaces dirixidos por Xan Martínez recibiron as felicitacións da alcaldesa de Santa Comba, María Pose.
Hoxe xoves será a quenda do grupo xuvenil que vai estrear «Unha cita incómoda» ás 21:30h. Estas iniciativas teatrais contan co apoio do concello de Santa Comba.
Este xoves(21:00h) tamén está prevista a entrega dos premios do concurso fotográfico «Enfocando Santa Comba«.O acto terá lugar na Casa da Cultura xalleira.
