Case 150 persoas realizaron a terceira etapa do Camiño de Santiago a Muxía, este domingo 3 de xuño. A choiva non impediu que percorreran a etapa entre a ponte romana de Brandomil, no concello de Zas, e a igrexa de Berdoias, en Vimianzo. O vindeiro domingo terá lugar a cuarta e última etapa entre Berdoias e Muxía.
Este percorrido reivindicativo conta co apoio dos concellos da Baña, Santa Comba, Mazaricos, Muxía, Zas e Vimianzo e das asociacións Lumieira (A Baña), San Luís da Pereira e Trotasendas (Santa Comba), Asociación Cultural Antes (Mazaricos), Grandimirum (Zas) e Baíñas no Camiño e Asociación Parroquial Berdoias (Vimianzo).