Este martes 20 de marzo sae á rúa o primeiro número de «O Nerio«, un novo medio de comunicación que nace na Costa da Morte. Trátase dun xornal que se define como «independente», de carácter gratuíto e de periodicidade mensual.
Está editado pola empresa Gesercon 2018 e dirixido polo xornalista Javier Carnota. Nesta primeira edición, no xornal de 16 páxinas ofrécense distintas novas da zona. A súa primeira portada céntrase nas mobilizacións de «mulleres e xubilados» e nos actos da Semana Santa.