A tapa de «costela asada con puré de pataca e grelo» do Café Bar Esmorís foi a preferida tanto do xurado profesional como do popular na terceira edición do concurso «A Laracha de Tapas«, que se celebrou con grande éxito esta pasada fin de semana. En total distribuíronse unhas 650 tapas neste establecemento.
O xurado profesional concedeu o segundo premio á Cafetería Guadalupe polo «bocadito Guadalupe», unha filloa rechea con chicharróns e queixo. O acto de entrega dos premios aos locais e tamén dos agasallos aos consumidores que votaron terá lugar o próximo sábado (17 de marzo) ás 11:30 horas na Casa da Cultura da Laracha.O concello da Laracha amosou a súa satisfacción polo éxito desta actividade.
